Tustna er ei øy i Aure kommune i Møre og Romsdal, den vestlegaste av dei store øyane i kommunen, skilt frå Stabblandet i aust av Sålåsundet; 87,5 km2 og 811 innbyggjarar (2020), inkludert øya Golma i vest og eit par småøyar.

Tustna er berglendt og har ein brem med lågare land ut mot kysten i nordvest. Her er store myrstrekningar, medan det på sørsida er stor furuskog. Berggrunnen består av gneis som er gjennomskore av sprekkefyllingar med ein rødleg, vulkansk bergart. Høgaste punkt er Skarven i søraust med 896 moh.

Tustna har busetjing langs kysten, særleg i vest og nord med høvesvis Tømmervåg og Leira som største stader. Det går bru over Sålåsundet til Stabblandet (Fv.680), og øya har ferjesamband frå Tømmervåg til Seivika i Kristiansund i sørvest.

Kart

Tustna
Tustna
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg