Faktaboks

Torfinn Opheim
Fødd
12. april 1961, Sauda, Rogaland
Torfinn Opheim.
Stortinget.

Torfinn Opheim er tidlegare ordførar i Sauda og tidlegare stortingsrepresentant for Arbeidarpartiet (Ap) frå Rogaland i 2005–2013.

Bakgrunn

Torfinn Opheim er fødd i Sauda i Rogaland. Han gjekk på Sauda vidaregåande skule i 1977–1980, Fana Folkehøgskule i 1980–1981, tok fagbrev i prosessfag i 1989 og studerte ved Høgskolen Stord/Haugesund (no Høgskulen på Vestlandet) i 1992–1993. Han tok sjefskurs ved Forsvarets høgskole i 2009. Opheim var butikkmedarbeidar ved Domus i Førde i 1982–1983, prosessoperatør ved Elkem Sauda i 1983–1994 og dagleg leiar ved attføringsbedrifta Sauda Produkter A/S i 1994–1999. I 2013 vart han leiar av Landssamanslutninga av Vasskraftkommunar (LVK).

Politisk karriere

Opheim var kommunestyremedlem for Arbeidarpartiet i Sauda i 1987–1999 og ordførar i 1999–2005. Han har vore medlem av styret for Sauda Arbeidarparti og medlem av styret for Rogaland Arbeidarparti i ei årrekkje. I 2001–2005 var han vararepresentant til Stortinget, og i perioden 2005–2013 var han vald inn som fast stortingsrepresentant for Arbeidarpartiet frå Rogaland. Han var fyrst medlem av kyrkje-, utdannings- og forskingskomiteen på Stortinget i 2005–2009, deretter av finanskomiteen i 2009–2013. Politisk var Opheim oppteken av utviklinga av velferdsstaten, arbeid til alle og distriktspolitikk.

Andre verv

Opheim har mellom anna vore leiar av sosialutvalet og barnevernsnemnda i Sauda i 1987–1991, medlem av Haugalandrådet i 1999–2005 og styret for Ryfylkesambandet A/S i 2000–2005.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg