Faktaboks

Tor Bremer
Fødd
9. februar 1955, Luster, Vestland
Tor Bremer.
Stortinget.

Tor Bremer er gardbrukar og tidlegare stortingsrepresentant for Arbeidarpartiet (Ap) frå Sogn og Fjordane i 2009–2013.

Bakgrunn

Tor Bremer er fødd i Luster i Sogn og Fjordane (no Vestland). Han er gardbrukar i Hafslo og har drive med storfe.

Politisk karriere

Bremer har vore kommunestyremedlem i Hafslo, først for bygdelista for Hafslo i 1988–1991 og i 1992–1995 for Arbeidarpartiet. Han var representant for Arbeidarpartiet i fylkestinget for Sogn og Fjordane i 1995–2011, fylkesvaraordførar i Sogn og Fjordane i 2003–2009 og var leiar for Sogn og Fjordane Arbeidarparti i 2000–2007.

Bremer var vararepresentant til Stortinget for Arbeidarpartiet frå Sogn og Fjordane i 2001–2005 og i 2013–2017. Han var innvald som fast stortingsrepresentant 2009–2013. Han var medlem av kyrkje-, utdannings- og forskingskomiteen i denne stortingsperioden, og på Stortinget arbeidde han mellom anna for å fremje interessene og sikre arbeidsplassane til innbyggjarane i heimfylket.

Andre verv

Bremer var medlem av Vestlandsrådet og i 2004 var han visepresident i Euromontana, eit europeisk nettverk for utvikling av fjellregionar. Han er styreleiar i Sogn skisenter frå 2015.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg