Smørstabbrean er eit breparti i Lom kommune, eit av Jotunheimens største. Det ligg mellom Storutladalen–Gravdalen i sør, Leirdalen i aust og Breidseterdalen–Bøverdalen i vest og nord. Brearealet er i alt om lag 25 kvadratkilometer. Smørstabbrean ligg i Jotunheimen nasjonalpark.
Faktaboks
- Også kjend som
-
Smørstabbreen
Smørstabbrean er krona av dei spisse Smørstabbtindan med fleire toppar over 2000 moh.:
- Storebjørn 2222 meter over havet
- Store Smørstabbtinden 2208 meter over havet
- Sokse 2189 meter over havet
- Kniven 2133 meter over havet
- Skeie 2118 meter over havet
Namnet Smørstabbrean blir mest brukt om breen sør for desse toppane. Dei andre breane har eigne namn: Bøverbrean og Leirbrean i vest, Storbrean og Bjørnbrean i aust.
Fleire turistruter går over breen, mest brukt er ruta Krossbu–Leirvassbu.
Som dei fleste norske breane er Smørstabbrean i tilbakegang, med ein stort sett negativ årleg massebalanse. Tabellen syner brearealet i dag og brefrontens tilbaketrekning 1900-2015.
Bre | Areal (km2) | Tilbaketrekning (m) |
---|---|---|
Leirbrean | 4,8 | 886 |
Bøverbrean | 797 | |
Storbrean | 5,1 | 1208 |
Namnet er eit samanlikningsnamn: 'ein stabbe med smør'.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.