Rubbestadneset er ein tettstad i Bømlo kommune i Vestland. Tettstaden er ifølgje SSBs definisjon 1,3 km², og har 1307 innbyggjarar (2023).
Tettstaden ligg nordaust på øya Bømlo, nord for munninga av Innværfjorden i Stokksund, sundet mellom øyane Bømlo og Stord.
Rubbestadneset har ein større motorfabrikk med tradisjonar tilbake til byrjinga av 1900-talet (Wärtsilä Norway, tidlegare Wichmann Motorfabrikk AS). Tettstaden har òg ein vidaregåande skule med yrkesretta linjer.
Namnet er usikkert tolka, kan vere norrønt Róbólstaðr, samansett av ró, 'krok', og bólstaðr, 'bustad'.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.