Prestestranda er ein tettstad i Drangedal kommune i Telemark. Tettstaden er ifølgje SSBs definisjon 1,6 km², og har 1308 innbyggjarar (2023).
Prestestranda er administrasjonssenter i Drangedal kommune, og ligg ved Rv. 38 (Kragerø–Kviteseid) og Sørlandsbanen. Prestestranda har noko småindustri og handelsverksemd.
Drangedal stasjon på Sørlandsbanen ligg i Prestestranda. Drangedal kyrkje i Prestestranda er bygd i tre og vart oppført i 1775, men er seinare ombygd fleire gonger. Drangedal Bygdetun er eit friluftsmuseum med 19 gamle bygningar, og dei fleste er gåver frå bygdefolket. Bygdetunet har òg eit nytt museumsbygg, Nystue, som stod ferdig i 2009. Nystue inneheld mellom anna Skogbruksutstillinga, som vart opna sommaren 2010.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.