Faktaboks

Otto Valstad
Fødd
11. desember 1862, Asker, Viken
Død
20. juni 1950, Oslo
Verke
Maler, illustratør og forfatter
Familie

Foreldre: Snekkermester Andreas Olsen Valstad (1828–1911) og Lisa Johansdatter Solstad (1836–1906).

Gift 29.3.1893 med forfatter og journalist Mathilde Georgine («Tilla») Christiansen (1871–1957; se Tilla Valstad).

Otto Valstad (ca. 1935–1940)
Otto Valstad, foto frå rundt 1935–1940.

Otto Valstad var ein norsk lærar, forfattar og målar. Han måla mellom anna Arne og Hulda Garborg og var ein del av Askerkretsen.

Bakgrunn

Otto Valstad var fødd i Asker. Han vart utdanna ved Asker seminar og var lærar i Asker 1884–1887, deretter i Tønsberg 1887–1898. Han debuterte på Høstutstillingen i 1890 og studerte ved Académie Julian i Paris og Den Kongelige Tegneskole i København. Valstad var radikal og sat ei tid i Asker herredsstyre. Han var oppteken av sosialt arbeid for barn. Otto Valstad var gift med Tilla Valstad. Ho gav økonomisk hjelp til mannen til å realisere kunstnardraumen.

Kunstnarskapen

Otto Valstad

Tilla og Otto Valstad. Foto 1949. Bilde frå Norsk biografisk leksikon.

Otto Valstad
Av /NTB Scanpix ※.

I restaureringa av Asker kyrkje var han aktivt med. Han arbeidde elles med landskapsmåleri og portrett- og sjangermåleri. Valstad er innkjøpt av Nasjonalmuseet med eit portrett av Lina Brun frå 1901. Han illustrerte og skreiv barnebøker i eit dialektfarga språk. Eit døme er den sosialrealistiske Torvills saga (1939).

Valstad illustrerte bøker som Rasmus Lølands Kvitebjørnen (1906), Arne Garborgs Kolbotnbrev (1911) og kona Tilla Valstad si gjendikting av Æsops fabler (1918). Valstad var æresmedlem i Tegnerforbundet.

Ekteparet Valstad og Garborg og Løland var naboar og stod sentralt i Askerkretsen. Heimen og den vakre hagen deira på Øvre Valstad er eit minnesmerke over han og kona Tilla Valstad. Samlinga med gamle hus, antikvitetar og kunst testamenterte dei til Asker Museum.

Les meir i Store norske leksikon

Eksterne lenker

Faktaboks

Otto Valstad
Historisk befolkingsregister-ID
pf01036374000946

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg