Faktaboks

Innbyggjartal
14 600 (SSB, 2023)
Landareal
9,4 km²
Tettstadsnummer
5173 Osøyro

Osøyro er ein tettstad i Bjørnafjorden kommune i Vestland. Tettstaden er ifølgje SSBs definisjon 9,4 km², og har 14 600 innbyggjarar (2023).

Osøyro er administrasjonssenter i Bjørnafjorden kommune, på søraustsida av Bergenshalvøya ved Fusafjorden med sentrum ved munninga av Oselva. Tettstaden strekkjer seg langs fjorden sørover til Haljem og omfattar frå 2013 òg Hagavik som ligg rundt Skeisosen i vest.

Osøyro har verkstads- og trevareindustri, likeins fylkeskommunal vidaregåande skule og fjordhotell. I Hagavik ligg Kysthospitalet i Hagevik (KiH), eit spesialsjukehus for ortopedisk kirurgi.

E 39 og Fv. 552 går gjennom Osøyro. Frå 1894 til 1935 gjekk det ein 26 km lang, privat og smalspora jernbanesamband (750 mm) frå Osøyro til Nesttun stasjon på Vossebanen (Nesttun-Osbanen), i korrespondanse med lokaltog til Bergen og Voss.

Kart

Osøyro
Osøyro
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg