Faktaboks

Olav Engelbrektsson
Fødd
1480
Død
7. februar 1538, Lier, Nederlandene (nå i Belgia)
Levetidskommentar
omtrentlig fødselsår
Verke
Erkebiskop
Familie

Foreldre var muligens Engelbrekt Gunnarsson (nevnt 1500) og Jorunn (nevnt 1500).

Olav Engelbrektssons segl

Erkebiskop Olav Engelbrektssons segl.

Olav Engelbrektssons våpenskjold
Olav Engelbrektssons våpenskjold
Av /Riksarkivet.
Olav Engelbrektsson

Minneplate over Olav Engelbrektsson i Gummaruskirken i Lier/Lierre, Belgia. Det var i denne byen erkebiskopen døydde i 1538.

Av .
Lisens: CC BY SA 4.0

Olav Engelbrektsson var Noregs siste erkebiskop.

Olav Engelbrektsson vart truleg fødd i Trondenes. Han tok magistergrada i Rostock i 1507, vart dekanus ved domkapittelet i Nidaros i 1515 og vart erkebiskop i 1523.

Som erkebiskop og formann i riksrådet prøvde han å bevare den norske kyrkja mot reformasjonen og å hevde norsk sjølvstende. Han fekk hindra Frederik 1.s kroning i Noreg og at sonen hans Christian (seinare Christian 3.) vart hylla som norsk arveherre. I 1529 tok Olav kontakt med den fordrivne Christian 2. og støtta forsøket hans på å vinne tilbake Noreg i 1531.

Etter Frederik 1.s død i 1533 og under grevefeiden som følgde, tok Olav kampen opp igjen for norsk sjølvstende. Målet var å få eit sjølvstendig Noreg under ein eigen katolsk konge, nemleg Christian 2.s svigerson Fredrik av Pfalz. Dei fleste danske herrar i riksrådet gjekk derimot inn for den protestantiske Christian 3. som norsk konge; dette var bakgrunnen for at Olav under eit forhandlingsmøte i Trondheim i januar 1536 lét Vincens Lunge drepe og dei andre arrestere.

Det lykkast ikkje Olav å få i stand ei norsk folkereisning, og den lova hjelpa frå keisar Karl 5. glimra òg med sitt fråvær. 1. april 1537 måtte han difor rømme frå Noreg, og døydde året etter i Lier i Nederlandene (dagens Belgia).

Hans verdifulle arkiv vart overført til Noreg i 1830 og blir no oppbevart i Riksarkivet.

Les meir i Store norske leksikon

Kommentarar (2)

svarte Mari Paus

Hei! Takk for tipset, lenken er oppdatert. Hilsen Mari i redaksjonen

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg