Mår er ei elv og ein innsjø i Tinn kommune, Telemark. Sjøen Mår har sine tilløp i søraustre delen av Hardangervidda. Vatnet drenerer til Kalhovdfjorden, herifrå går elva Mår gjennom Breidsetdalen og Gausetdalen og fell ut i nordenden av Tinnsjå ved Atrå.
Mårvassdraget har eit nedbørfelt på 754 kvadratkilometer og eit samla tilsig på 586 millioner kubikkmeter per år. Elva har ei samla lengd på 65 kilometer mellom Mårbu i nordenden av innsjøen Mår til Måroset i Tinnsjå.
Mår og Kalhovdfjorden er reguleringsmagasin for Mår kraftverk i Vestfjorddalen, som får vatnet gjennom trykkrørsjakter i fjell. Mår er regulert mellom 1121 og 1100 meter over havet, og Kalhovdfjorden mellom 1087 og 1075 meter over havet. Mårdammen er eit av få norske damanlegg som er bygd i naturstein.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.