Mimosa er ei slekt i erteblomfamilien. Slekta blei tidlegare rekna som typeslekt for mimosafamilien.
Faktaboks
- Uttale
- mimˈosa
- Vitskapeleg namn
- Mimosa
- Beskriven av
- Carl von Linné
Dette er buskar og tre med dobbelt finnete blad, og i blomen er det dobbelt så mange pollenberarar som det er blad i blomedekket. Det finst meir enn 450 artar, og dei fleste veks i tropisk Amerika.
Plantane har karakteristiske svevnrørsler og er følsame for pirring. Best kjend er sanseplanten (latinsk namn: Mimosa pudica), som er ein cirka ½ meter høg busk som stammar frå Brasil, men som no finst som ugras i dei fleste tropiske land, og som er vanleg dyrka i veksthus. Også artar i planteslekta Acacia blir karakteriserte og ofte selde som mimosa. Sjå også følsame plantar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.