Faktaboks

Margaret Berger
Fødd
11. oktober 1985, Trondheim
Margaret Berger i 2015
Margaret Berger i 2015
Av /NTB.

Margaret Berger er ein norsk popsongar som gjorde det bra i Eurovision Song Contest i 2013.

Ho vaks opp på Hitra i Trøndelag og var først kjend som deltakar i fjernsynsserien Idol på TV2 i 2004, der ho kom på andreplass. Same år debuterte ho med albumet Chameleon. Med låta Lifetime Guarantee frå dette albumet vann ho Spellemannprisen for årets beste musikkvideo.

I 2006 ga Berger ut albumet Pretty Scary, Silver Fairy, der låtane Samantha og Will You Remember Me Tomorrow? er dei mest kjende. I 2013 vann Margaret Berger ein klar siger i Melodi Grand Prix med låta Feed You My Love. Den kom på fjerdeplass i Eurovision Song Contest i Malmö. Låta nådde også fjerdeplass på VG-lista, der ho låg tre veker i februar 2013.

Ho har engasjert seg i Tempo, ein interesseorganisasjon som arbeider for å styrke det rytmiske musikkmiljøet i Midt-Norge.

Les mer i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg