Kassala er ein by i den austlege delen av Sudan, omtrent 415 kilometer aust for hovudstaden Khartoum og nær grensa mot Eritrea. Byen vart grunnlagt i 1834 som ein egyptisk garnison. Byen er plassert ved innlandsdeltaet til den årstidsbestemte Gash-elva og ved foten av Taka-fjella, som er ein nasjonalpark. Kassala har nesten 400 000 innbyggarar (2020) og er Sudans femte største by.
Kassala var tidlegare handelssenter for eit rikt bomullsdistrikt. Byen har jernbane- og vegforbindelse til Khartoum og Port Sudan, og den har ein innanriks flyplass.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.