Faktaboks

Kåre Frølich
Fødd
1918, Fana
Død
2004
Landåshallen
Landåshallen, teikna av Kåre Frølich, oppført cirka 1964.

Kåre Frølich var ein norsk arkitekt. Til å byrje med var han inspirert av Le Corbusier og Gunnar Asplund. Seinare utvikla han ein eigen, sjølvstendig moderne stil. Eit særtrekk ved mange av villaene hans er kor fint bygget og landskapet er knytt saman.

Frølich blei utdanna ved NTH i 1944 og budde og verka i Bergen. Han arbeidde først hos faren, arkitekt Thorleif Hals Frølich og seinare hos mellom anna Ole Landmark og Frederik Konow Lund. I 1948 starta han eigen praksis saman med landskapsarkitekten Torborg Zimmer Frølich, som han var gift med. I 1972 var han medstiftar av Arkitektgruppen CUBUS as.

Frølichs produksjon var stor og allsidig. Han teikna mellom anna tre kontor- og forretningsbygg i Bergen, ein sjukeheim i Loddefjord, Landåshallen, eit større bustadområde for Sjømennenes Boligbyggelag i Fyllingsdalen og mange einebustader, blant anna sin eigen villa på Skjoldhøgda ved Nesttun.

I CUBUS teikna han saman med kollegaer ei rekkje museums- og undervisningsbygg.

Les meir i Store norske leksikon

Faktaboks

Kåre Frølich

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg