Jialing Jiang er ei elv i Kina, som er sideelv til Chang Jiang (Yangtzekiang). Elva spring ut i dei vestlege utlaupa av Qinlingfjella i den sørlege delen av Gansu, og går deretter gjennom Dabafjella før ho renn ut på Sichuanbekkenet.
Etter å ha teke opp sideelvane Fu Jiang og Qu Jiang aukar vassføringa betrakteleg. Rett før ho går saman med Chang Jiang ved byen Chongqing, bryt ho gjennom Huaying Shan-fjella, kor ho dannar tre kløfter, også kjent som «Vesle tre kløfter», som er 1070 kilometer lang. Elva dannar ei viktig ferdselsåre mellom Sichuanbekkenet og provinsane nordanfor.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.