Idse er ein langstrekt og delvis skogkledd øy i Strand kommune i Rogaland, ved munninga av Høgsfjorden, sørvest for Jørpeland. Øya har eit areal på 4,9 kvadratkilometer; høgaste punkt er Storvarden på 142 meter.

Faktaboks

Også kjend som

Idsøy

Idse hadde 116 innbyggjarar i 2017 inkludert dei tilstøytande øyane Idsal i aust, og Heng og Hidle (Sør-Hidle) i vest. I aust skil det tronge Idsesundet Idse frå den 3,1 kvadratkilometer store auga Idsal. Over sundet går fylkesveg 4640 i ei bru som knyter saman Idse med Idsal og vidare austover til fylkesveg 523 på fastlandet. Nord for øyane går Idsefjorden inn til Jørpeland. Det er mange fritidsbustader på øya.

Namnet

Namnet kjem av norrønt Eiðsa, av eið, 'eid', her brukt om det grunne sundet mellom øyane Idse og Idsal.

Kart

Idse
Idse
Av /Statens kartverk.

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg