Faktaboks

Hill-Marta Solberg
Fødd
12. november 1951, Sortland, Nordland
Hill-Marta Solberg.
/NTB.

Hill-Marta Solberg er tidlegare fylkesmann i Nordland, tidlegare stortingsrepresentant frå Nordland for Arbeidarpartiet (Ap) og tidlegare sosialminister i regjeringane Brundtland III og Jagland. Ho var sentral i leiinga i Arbeidarpartiet i nesten 20 år.

Bakgrunn

Hill-Marta Solberg er fødd på Sortland i Nordland. Ho tok vidaregåande skule i 1967–1970, var student ved Trondheim lærerskole i 1970–1973 og tok grunnfag i norsk i 1974 og grunnfag i historie i 1975 i Trondheim. Ho arbeidde som lærar i Mo i Rana i 1975–1976, i Harstad i 1976–1977 og på Sortland i 1977–1987.

Politisk karriere

Solberg var varamedlem til Sortland kommunestyre i 1979–1983, medlem av formannskapet i 1983–1987 og ordførar i Sortland i 1987–1993. Ho var nestleiar og sekretær i Sortland Ap i 1989–1993, medlem av styret for Nordland Ap i 1991–1993, medlem av sentralstyret i Arbeidarpartiet i 1990–2007 og nestleiar i partiet i 1992–2007.

Solberg var stortingsrepresentant frå Nordland for Arbeiderpartiet i fire periodar, frå 1993 til 2009. Ho var mellom anna medlem av finanskomiteenStortinget i 1993–2005, der ho var nestleiar i 1997–2000 og første nestleiar i 2001–2005. I 2000–2001 og i 2005–2009 var ho medlem av utanrikskomiteen. Ho var samstundes parlamentarisk leiar for Arbeidarpartiet i 2000–2001 og i 2005–2009.

Solberg var statsråd i Sosial- og helsedepartementet som sosialminister i den tredje regjeringa til Gro Harlem Brundtland i 1994–1996 og deretter i Thorbjørn Jagland si regjering i 1996–1997. Etter 16 år på Stortinget blei ho utnemnd til fylkesmann i Nordland i 2009, ei stilling ho hadde fram til 2018.

Solberg ble i 2020 valgt til nestleder i Sortland arbeiderparti.

Andre verv

Solberg har hatt mange administrative verv og tillitsverv, mellom anna som leiar av styret i Vinmonopolet frå 2009, medlem av Nordområdeutvalget i 2010–2013 og er leiar i den statlege Karanteneutvalget frå 2015.

Les meir i Store norske leksikon

Eksterne lenker

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg