Hanna er eit kvinnenamn som går tilbake til eit hebraisk ord channa som tyder ‘nåde’ (som i Anna). Hanna kan også vere kortform av Johanna, og denne bakgrunnen har vore viktigast i Noreg.

Namnet har fleire variantar: Hana, Hanna, Hannah, Hanne.

Namnedag er 5. januar. Hannah og Hanne har også namnedag denne dagen.

Kjende personar med namnet Hanna

Eit utval personar med namnet Hanna, og som er omtalt i Store norske leksikon:

Namnestatistikk

I 2022 var det 8 032 kvinner i Noreg som hadde Hanna som det einaste førenamnet eller som det fyrste av fleire, og Hanna var blant dei hundre mest brukte namnet blant norske kvinner. I 2022 var det 135 jenter som fekk namnet Hanna, og det var blant dei 50 mest populære jentenamna dette året.

Utvikling i bruk av namnet

Kurveprofilane for Hanna og Hanne er eit godt døme på den allmenne popularitetsutviklinga for tostava namn på -a og -e: Hanna var på topp 1865–74 (nummer 6 på ranglista 1870–1874), og neste topp kom i perioden 2000–2004. I mellom desse to topp-periodane byrja Hanne å stige i 1940-åra og nådde toppen 1980–1984, noko som var innanfor topp-perioden for dei talrike tostava namna på -e, til dømes Bente og Hege. Den utanlandsk inspirerte stavemåten Hannah kom i bruk i 1980-åra og nådde toppen 2005–2009. Dette var like etter toppen for Hanna.

Utvikling i bruk av namnet Hanna frå 1800
Utvikling i bruk av namnet Hanna frå 1800
Av /Store norske leksikon.
Lisens: CC BY SA 4.0

Geografisk variasjon på 1800-talet

Geografisk variasjon i bruk av namnet Hanna på 1800-talet.

Hanna var mest brukt i Nordland og Troms.

Geografisk variasjon i bruk av namnet Hanna på 1800-talet.
Av /Store norske leksikon.
Lisens: CC BY SA 4.0

Hanna var mest brukt i Nordland og Troms.

Historisk bruk av namnet Hanna
Historisk bruk av namnet Hanna
Av /Store norske leksikon.
Lisens: CC BY SA 4.0

Les meir i Store norske leksikon

Litteratur

  • Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg