Ezinne Okparaebo er ein norsk tidlegare friidrettsutøvar som blei noregsmeister på 100 meter 14 gonger i åra 2005–2017 og i 2019. Ho held noregsrekorden på 100 meter, og blei tildelt kongepokalen i 2013 og 2014. Okparaebo avslutta den aktive karrieren sin i juli 2021.
Ezinne Okparaebo
Faktaboks
Ezinne Okparaebo
- Fødd
- 3. mars 1988, Imo, Nigeria
Ezinne Okparaebo, norsk friidrettsutøver. Hun er norgesmester på 100 meter tolv år på rad 2005-2016. Hun holder norgesrekorden på 100 meter. Foto fra Lag-EM i friidrett i 2009.
Internasjonale meisterskapar
Okparaebo blei europameister for junior på 100 meter i 2007 og tok bronse på 100 meter i den europeiske olympiske ungdomsfestivalen (EYOF, ungdoms-OL) i 2005.
Okparaebo var OL -deltakar i 2008, der ho nådde kvartfinalen på 100 meter og sette sin første norske rekord på distansen med tida 11,32. Ho nådde òg kvartfinalen i VM i 2009. I EM i 2010 blei ho nummer fire på 100 meter med norsk rekord (11,23 både i semifinalen og finalen). Under VM i 2011 sette ho norsk rekord på 100 meter med 11,21 i innleiande heat.
Ho nådde semifinalen på 100 meter i EM i 2014, VM i 2015 og EM i 2016.
På 60 meter innandørs tok Okparaebo EM-sølv i 2009 og EM-bronse i 2011. Ho kom til semifinalen på distansen under innandørs-VM i 2008 og har to noregsmeisterskapar innandørs (2006 og 2008). Ho har den beste norske noteringa på distansen med 7,10 (sett i 2015).
Norske rekordar
Ezinne Okparaebo held den norske rekorden på 100 meter med 11,10 sat i London 4. august 2012.
Ezinne Okparaebo sette norsk rekord på 200 meter med tida 23,30 I Florø 2. juni 2012 sette Okparaebo norsk rekord på 200 meter med tida 23,30. Ho tangerte seinare rekorden i London same år. Rekorden blei slått av Helene Rønningen med tre hundredelar (23,27) under Bislett Games i 2018.
Personlege rekordar
Les meir i Store norske leksikon
Eksterne lenkjer
Fagansvarleg for Løp
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.