Embla er eit kvinnenamn som har same form i dag som i norrønt. Det har usikkert opphav. Namnet er kanskje laga til norrønt almr (treet). Tilsvarande har namnet Ask, som vart bore av den fyrste mannen i norrøn mytologi, bakgrunn i eit treslag (ask).

Namnedag er 1. juli. Ask har også namnedag denne dagen.

Personar med namnet Embla

Fyrste namneberar

Den fyrste som vart registrert med namnet i nyare tid, var Embla Johannessen fødd 1900 i Kristiansund.

Kulturell bruk

  • Ask og Embla var dei fyrste menneska på jorda i norrøn mytologi. Odin og dei to brørne hans skapte Ask og Embla av to tre (ask og alm) på stranda.
  • Embla i «Lasso rundt fru Luna» (1954) og «Sangen om den røde rubin» (1956) av Agnar Mykle.

Namnestatistikk

I 2022 var det 888 kvinner i Noreg som hadde Embla som det einaste førenamnet eller som det fyrste av fleire. I 2022 var det 44 jenter som fekk namnet Embla.

Utvikling i bruk av namnet

Utvikling i bruk av namnet Embla frå 1880
Utvikling i bruk av namnet Embla frå 1880
Av /Store norske leksikon.
Lisens: CC BY SA 4.0

Les meir i Store norske leksikon

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg