Einar – Store norske leksikon

Einar er eit mannsnamn som går tilbake til det norrøne Ein-arr. I dette toledda namnet tyder forleddet ‘aleine, eineståande’ og etterleddet ‘krigar’.

Einar er eit av dei få samansette nordiske namna som har meiningsfull tyding som heilskap: ‘eineståande, framifrå krigar’.

Namnet har fleire variantar: Einar, Einer, Ejnar, Ejner, Ener.

Namnedag er 26. september. Endre har også namnedag denne dagen.

Personar med namnet Einar

Kulturell bruk

Einar i «Brand» (1866) av Henrik Ibsen.
Namnet Einar vart kjent i Tyskland gjennom Marie Hamsuns barnebøker (1924–1957), bl.a. om Langerudbarna.

Kjende personar med namnet Einar

Eit utval personar med namnet Einar, og som er omtalt i Store norske leksikon:

Einar Tambarskjelve (980–1050)
Einar Dønnum (1897–1947)
Einar Gerhardsen (1897–1987)
Einar Skjæraasen (1900–1966)
Einar Thorsrud (1923–1985)
Einar Fredrik Åke Nagell-Erichsen (1934–2007)
Einar Økland (1940)
Einar Lunde (1943)
Einar Førde (1943–2004)
Einar Uggerud (1954)
Ole Einar Bjørndalen (1974)
Bjørn Einar Romøren (1981)

Namnestatistikk

I 2022 var det 10 259 menn i Noreg som hadde Einar som det einaste førenamnet eller som det fyrste av fleire, og Einar var blant dei hundre mest brukte namnet blant norske menn. I 2022 var det 86 gutar som fekk namnet Einar.

Utvikling i bruk av namnet

Einar var eit populært namn tidleg på 1900-talet, og i perioden 1900–1904 låg det som nummer 5 på ranglista. Døme på andre namn på -ar som hadde toppfasen sin i fyrste halvdel av 1900-talet, er Gunnar, Idar, Agnar, Ingar, Ingvar, Yngvar, Magnar, Ottar, Ragnar og Reidar.

Geografisk variasjon på 1800-talet

Einar var mest brukt i Kristiania.

Geografisk variasjon i bruk av namnet Einar på 1800-talet.

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Einar var mest brukt i Kristiania. (I søylene inngår det også ein eller fleire stavevariantar, til dømes Ejnar.)

Historisk bruk av namnet Einar

Av Gulbrand Alhaug / Erik Bolstad/Store norske leksikon.

Lisens: CC BY SA 4.0

Les meir i Store norske leksikon

mannsnamn
førenamn, mellomnamn, etternamn
personnamn
Om namneartiklane på snl.no

Litteratur

Elmevik, Lennart 1982: Fisl. einherjar ‘krigare i Valhall’ och några andra fornord. sammansättningar med ein-. [Saga och Sed].[/li][li]
Janzén, Assar 1947: De fornvästnordiska personnamnen. [Nordisk kultur 7].

Kommentarar

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Guttenavn

Gulbrand Alhaug

UiT – Norges arktiske universitet