Dimmelsvik er ein tettstad i Kvinnherad kommune i Vestland. Tettstaden er ifølgje SSBs definisjon 0,5 km², og har 462 innbyggjarar (2023).
Dimmelsvik ligg innanfor Snilstveitøy på austsida av Hardangerfjorden, litt sør for Rosendal.
Gjennom tettstaden går fylkesveg 500 frå Ranavik på Halsnøya via Sunde og Rosendal til fylkesveg 49 i Mauranger. Frå Dimmelsvik går fylkesveg 5024 sørover i Åmvikdalen (Omvikdalen) og over fjellet til Matre ved Matersfjorden.
Dimmelsvik har betongvarefabrikk. I Åmvikdalen sør for tettstaden ligg garden Tveito, der forfattaren Jens Tvedt voks opp. På nabogarden står det gamle Nistovetunet. Båe gardane er overtekne av Sunnhordland Museum.
Namnet er ikkje sikkert tolka; første ledd er kanskje avleiing av norrønt dimmr, 'mørk'.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.