Sulheim
Uppigard Sulheim, fotografert i 1920-åra.
Lisens: CC BY 2.0

Bøverdalen er eit dalføre i Lom kommune i Innlandet. Dalen er rekna for grense mellom den eigentlege Jotunheimen og Breheimen. Gjennom dalen renn elva Bøvre, som har sine kjelder i vestre delen av Smørstabbrean og fell i Ottaelva nær Fossbergom. Gjennom Bøverdalen går fylkesveg 55 over Sognefjellet til Sogn.

Faktaboks

Uttale
lokalt bøverd'alen
Etymologi
dalen har navn etter elva Bøvre, norrønt Bifra, visstnok avledet av norrønt ‘bever’

Turistområdet Bøverdalen omfattar også sidedalane Visdalen og Leirdalen. Langs Sognefjellsvegen ligg det fleire turisthytter (Bøvertun, Krossbu, Jotunheimen fjellstue m.fl.) og hotell (Elveseter og Røisheim). Sidevegar fører til Høydalsseter ved Høydalsvatnet, til Leirvassbu gjennom Leirdalen, og gjennom Visdalen til Spiterstulen. Frå Galdesand tek privat veg av via Raudbergstulen til Juvasshytta, 1841 moh. Dette er landets høgastliggande bilveg med høgaste punkt ca. 1855 moh.

Elveseter turisthotell med «Sagasøyla» (Eidsvollsmonumentet) og den gamle skyss-stasjonen Røysheim med sine freda bygningar frå 1700-talet er sjåverdige. Garden Sulheim har fleire freda bygningar. Bøverdal kyrkje frå 1864 har utskore inventar. Nedst i Bøverdalen ligg dei kjente gardane Aukrust og Andvord.

Kart

Bøverdalen
Bøverdalen
Av /Statens kartverk.

Les meir i Store norske leksikon

Kommentarar (2)

skreiv Arne Vetlli’n

Navnet. Dalen har navn etter elven Bøvra, norrønt Bifra, visstnok avledet av norrønt 'bever'.Meg bekjent, er Bøverdalen navngitt etter elven Bøvra, son det står, men har intet med bever å gjøre. Bifre betyr på norrønt å skjelve, og det er dennes elvs oppførsel med stener og fossestryk i elveleiet som virker til at den skjelver. Derav navnet.

svarte Redaksjonen i Store norske leksikon

Takk for innspillet. Vi må se litt nærmere på dette. Jeg kikket i Norsk Stadnamnleksikon fra Samlaget (1997). Der står det referert til bever. Som litteratur der er oppgitt "Ekre 1960 s. 92-94 (med fleire tilvisingar)." Har du noen andre kilder?

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

eller registrer deg