Askvoll – tettsted

Askvoll – tettsted. Tettstaden Askvoll er administrasjonssenter i Askvoll kommune. Her har vore prestegard og kyrkje sidan mellomalderen. Dagens kyrkje er bygt i 1863. Den eldste delen av det tettbygde stroket oppstod kring den første dampskipskaia på Røyset som blei utbygt i 1880-åra. Her blei i 1919 bygt hermetikkfabrikk, som var hjørnesteinsbedrift i bygda fram til den blei nedlagt i 1993. Etter at det kom ny kai på Kråkeholmen i 1956, har sentrum blitt forskyvd lenger aust med ny busetnad i Prestemarka og Storehaugen.