Anshan er ein by i nordøstlige Kina i provinsen Liaoning, i regionen Mandsjuria. Byen har 1 653 000 innbyggjarar (PopulationStat, 2021). Anshan er eitt av Kinas leiande jern- og stålindustrisentrum.
Dei fyrste smelteomnane vart bygde i 1919 og nytta lokale malmforekomstar. Under okkupasjonen av Mandsjuria bygde japanarane ut stålverka sin kapasitet. Etter andre verdskrig demonterte sovjetrussarane industrianlegga, men dei er seinere utbygde til eit moderne jern- og stålkompleks under namnet Ansteel. I siste del av 1950-åra produserte Anshan 40 prosent av Kinas stål, men mindre etter kvart, og byen har fått ein mer allsidig industri.
Byen er også eit viktig senter for metallurgisk forskning og teknologiske nyvinningar innan stålindustrien. Det fins store lokale førekomstar av magnesitt og talk, og oljeskifer som dannar basis for ein kjemisk og petrokjemisk industri. Industriprodukt inkluderer traktorar, kjemikalier, sement og papir.
Anshan har flyplass, motorvegsamband og er tilknytta jernbane (det tradisjonelle nettet og hurtigtognettet).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.